FC Prishtina dhe futbollisti Endrit Krasniqi i kanë ndarë rrugët para kohe me marrëveshje të dyanshme.
“Klubi dhe mesfushori Krasniqi e kanë ndërprerë kontratën para kohe dhe skuadra “bardhekaltër” e falënderon përzemërsisht Krasniqin për kontributin e dhënë në ekip”.
Në 123 paraqitje me Prishtinën, Endriti i ka realizuar 25 gola.
Ai me Prishtinën e ka fituar një titull kampion, dy Kupa të Kosovës dhe dy Superkupa.
“Prishtina i uron Endritit shëndet e suksese në karrierë”, thuhet në njoftim të klubit.