Skuadra e Southampton është mundur me rezultatin 2-0 nga Burnley, ndërsa sulmuesi i kombëtares shqiptare Armando Broja ka mbetur në hije në këtë përballje.
Të dy golat e kësaj ndeshje u shënuan në pjesën e parë në minutën e 12’ nga Roberts, ndërsa në minutën e 44’ Collins dyfishoi rezultatin për vendasit. Në këtë pjesë të parë Broja do të krijonte vetëm një rast për gol në minutën e 31’, por pa ai dalë ta përkthente në gol.
Teksa në fraksionin e dytë “The Saints” do të kërkonin golin, por ishin nga Burnley ata që do të gjenin sërish rrugën drejt rrjetës në minutën e 64’, mirëpo ai gol u anulua, pasi Cork ndodhej në pozicion jashtë loje.
Në minutën e 81’ Broja do të kishte një tjetër mundësi për të realizuar, të cilën sulmuesi e humbi. Teksa në minutën e 90+5 shqiptari do të fitonte një faull, që në fund nuk pati asnjë ndikim.
Pas kësaj përballjeje Southapton qëndron në vend të 13-të të renditjes së Premier League me 39 pikë, teksa Burnley vijon të qëndrojë në vend të 18-të me 28 pikë të grumbulluara, një më pak se Everton i vendit të 17-të që është edhe pozicioni i fundit që siguron qëndrimin në elitën e futbollit anglez.