Nuk do të jetë pjesë e Teutës për sezonin e ri, por pikërisht në shtëpinë e durrsakëve ka zgjedhur të stërvitet. Bëhet fjalë për Milot Rashicën, sulmuesin e Kosovës që po shijon pushimet e verës në Shqipëri.
Ai ka postuar një video në rrjetet sociale ku shfaqet në tapetin e stadiumit “Niko Dovana” duke u përgatitur.
26-vjeçari i Norwich duket në formë të mirë fizike, ndërsa mban të veshur dhe jelekun “GPS” që monitoron performancën e tij në stërvitje.
Merkato po “vlon”, megjithatë Rashica duket i fokusuar te anglezët me të cilët ka kontratë deri në vitin 2025. Në sezonin që lamë pas ai u aktivizua në 31 ndeshje në Premier League, ku arriti të shënonte edhe 1 gol.