Stadiumi Bentegodi nuk ishte shumë fatlum për ambiciet e Milanit për Scudetto në të kaluarën, madje ishte bërë i njohur si “Verona Fatale”.
Tani, Milani do të duhet të ndjekë këtë rrugë sërish, pasi lufta për titull e dërgon sërish në Verona, përcjell GazetaBlic Sport.
Me Interin që mundi Empolin 4-2, presioni është tashmë i gjithi mbi kuqezinjtë për të marrë fitoren dhe për të ruajtur epërsinë e tyre prej dy pikësh në krye të tabelës.
Sidoqoftë, kjo është padyshim ndeshja më e keqe e mundshme për Diavolo në këtë fazë, pasi tashmë ka humbur dy herë titullin e Serie A në këtë stadium.
Hera e parë që Verona doli fatale ishte në vitin 1973, kur Milani shkoi në raundin e fundit me një pikë avantazh ndaj Lazios dhe Torinos. Ata u shkatërruan dhe shkuan në pushim duke humbur 3-1 ndaj Verona, kurse në fund humbën 5-3, ndërsa Lazio humbi nga Napoli, kështu që Juventus përfundoi duke marrë titullin 10 ditë më vonë, pasi ndeshja e tyre u shty për shkak të angazhimeve të Kupës së Evropës.
Verona ishte ‘varreza’ e ambicieve të Milanit për Scudetto përsëri në vitin 1990, kur Arrigo Sacchi dhe Milan me yje si Marco van Basten, Ruud Gullit dhe Frank Rijkard ishin në garë me Napolin.
Këtë herë, Verona ishte ndeshja e tyre e parafundit dhe gjigantët kishin kaluar në avantazh me një gol të Marco Simone. Hellas barazoi, kurse Sacchi, Rijkaard dhe Van Basten u përjashtuan të gjithë dhe Verona rrëmbeu fitoren në minutën e fundit me Davide Pellegrinin.
Alessandro ‘Billy’ Costacurta mori gjithashtu karton të kuq për protesta, vetëm për të përfunduar katastrofën, dhe Napoli i Diego Armando Maradona mori titullin.