Shkupi arriti të marr një nga rezultatet më të mira në histori të klubit, duke arritur të barazoi me rezultat 2-2 në udhëtim te skuadra e famshme kroate, Dinamo Zagreb.
Fillimisht ishin mysafirët të cilët kaluan në epërsi me golin e Queven, kur skuadrat po i drejtoheshin dhomave të zhveshjes në pjesën e parë, në skenë doli Ademi i cili barazoi rezultatin në 1-1, shkruan Gazeta OLLE.
Dinamo në pjesën e dytë ishte më kërkuese dhe në minutën e 86-të arriti të kaloi në epërsi për herë të parë në ndeshje me golin e Petkovic, ndërsa për rezultatin final u përkujdes i zëvendësuari Cepas ku në prekjen e parë të topit arriti të barazonte rezultatin në 2-2.
Ndeshja e kthimit do të zhvillohet pas një jave në Shkup, me vendasit që do të kenë përkrahjen nga shqiptarët në Maqedoninë e Veriut.
Trajneri i Shkupit pas ndeshjes ishte i lumtur me barazimin të cilin e morri skuadra e tij në Kroaci.
“Padyshim që ishte një ndeshje e bukur dhe korrekte, i uroj futbollist e mi për lojën që treguan e veçanërisht në pjesën e parë luajtën një lojë ashtu siç unë dëshiroja, edhe pse fatkeqësisht pranuam atë gol në fund të pjesës së parë djemtë treguan karakter dhe nuk u dorëzuan, e merituam këtë rezultat.
I falenderoj nga zemra të gjithë tifozët tonë që kanë udhëtuar deri këtu për të na përkrahur, shpresoj që kemi arritur ti gëzojmë edhe ata.
Tani do të fillojmë të përgatitemi për ndeshjen e dytë, e di që na pret një ndeshje e vështirë, por besoj që me një stadium të mbushur deri në ulësen e fundit do ta kemi më të lehtë.
Për fund më lejo poashtu ti falenderoj edhe tifozët vendas për duartrokitjet, sigurisht që më bëri të lumtur nuk mund ta fsheh këtë, këtu kam kaluar vitet më të mira të karrierës sime, deklaroi kryejtrajneri Goce Sedlloski”.