Skuadra e Dritës u mposht nga Llapi me rezultatin e ngushtë 1:0 në stadiumin “Zahir Pajaziti” në Podujevë.
Autogoli i Prince Balde vendosi gjithçka në këtë duel, ku Llapi mori tre pikë të rëndësishme në Superligën e Kosovës në futboll, shkruan GazetaBlic Sport.
Pas ndeshjes, trajneri i Dritës, Ardian Nuhiu ka theksuar se skuadra e tij meritoi më shumë – por i mungoi vetgëm finalizimi.
“Ndeshje e luftuar, dy skuadrat kanë bërë ndeshje të madhe. Ishte një pjesë e parë e jona shumë e mirë, por thjesht mungoi finalizimi për të marrë diçka më tepër. Ndeshjen e vendosi një rast i vetem që mund të ndodhë”, tha fillimisht Nuhiu për Art Sport.
“Kemi merituar më tepër mendoj unë”, përfundoi ai.