Vasil Shkurtaj nuk është më lojtar i Kukësit. Sulmuesi 30 vjeçar u bashkua në janar me verilindorët, duke mos treguar të gjitha cilësitë e tij edhe i ndikuar nga dëmtimet.
Tanimë Shkurtaj është lojtar i lirë, pasi Kukësi nuk është në Kupat e Europës. Në marrëveshjen e gjashtë muajve më parë, verilindorët dhe sulmuesi nënshkruan me mendimin se skuadra do arrinte në Europë dhe palët mund të rinovonin pas gjashtë muajve.
Ndërsa Kukësi qëndron jashtë kompeticioneve të UEFA, edhe Shkurtaj do duhet të gjejë një tjetër ekip, duke qenë i lirë të firmosë brenda apo jashtë Shqipërisë.
Ndërsa, kujtojmë se shumë skuadra kosovare tashmë janë në kërkim të gjetjës së lojtarëve të lirë, e Shkurtaj mund të jetë një opsion për ta.