Skuadra e Drenicës ka fituar tre pikë shumë me rëndësi ndaj Llapit, pas fitores 1:0.
Trajneri i Llapit, Tahir Batatina tha se sot ka bërë ndryshime pasi skuadra e tij duhet të pushojë dhe i ka dhënë minuta lojtarëve të ri, por kjo nuk do të ndodhë edhe ndaj Gjilanit, teksa përsëriti edhe njëherë se fokusi i ekipit të tij këtë stinor është finalja e Kupës së Kosovës, përcjell GazetaBlic Sport.
“Mendoj që tërë javën kemi punuar t’i japim hapësirën lojtarëve të ri, jam mundu të marrim një pikë të sigurojmë Evropën. Sot kam rrezikuar duke iu dhënë hapësirë disa lojtarëve të ri, ndaj Ulpianës kam bërë të njëjtën gjë, aty kemi fituar, sot jo. Ky është futbolli, në ndeshjen e ardhshme do të kërkojmë pikët e plota ndaj Gjilanit. Për ne me rëndësi është Kupa e Kosovës, është jetike”, tha fillimisht Batatina për Art Sport.
“Na pret një ndeshje e zjarrtë me Gjilanin në ‘Zahir Pajaziti’. Djemtë kanë luajtur mirë. Ndaj Gjilanit do të luajmë me ekipin e parë”, përfundoi ai.