Prishtina ka nënshkruar me qendër sulmuesin brazilian, Marclei Cesar!
33 vjeçari ishte pjesë e Ulpianës sezonin e kaluar ku në 20 paraqitje kishte shënuar 6 gola dhe kishte dhuruar 3 asistime. Për paraqitjet e tij të shkëlqyeshme javëve të para të sezonit ai u zgjodh si ylli i javës së pestë të Superligës së Kosovës, trofe ky i cili dhurohet nga edicioni i kaluar për më të mirin e javës.
Përveq Ulpianës, Cesar më parë kishte luajtur edhe në tjera ekipe në Kosovë. Ishte Feronikeli, ekipi i parë i cili e transferoi Cesar nga Brazili e ku braziliani bëri vetëm 6 paraqitje zyrtare mirëpo duke shënuar 3 herë e asistuar 1 herë.
Cesar u largua nga Feronikeli mirëpo megjithatë mbeti në Superligë duke u bërë pjesë e Arbërisë, ekip ky i cili u inkuadrua për herë të parë në Superligën e Kosovës. Me Arbërinë, Cesar bëri 15 paraqitje duke dhuruar plotë 9 gola dhe 1 asistim.
Më parë, Cesar kryesisht ka luajtur në vendlindje, saktësisht në Serie B të Brazilit (liga sekondare) dhe në ligën primare të Indonezisë.