Ferizaj është në rrugë të mirë drejt rikthimit në Superligën e Kosovës në futboll.
Ferizajasit gjenden në pozitën e parë në Grupin B të Ligës së parë, ndërsa sot kanë shënuar fitoren e radhës, shkruan Gazeta Olle.
Bardhekaltrit kanë mposhtur Arbërinë në udhëtim me rezultat 3-1.
Pas ndeshjes, klubi ka shtruar iftar të përbashkët për futbollistët, shtabin teknik dhe kryesinë.
“Pas fitores së sotme, iftar i përbashkët me futbollistë, shtab teknik dhe kryesinë e klubit, Zoti ua lehtësoftë dhe pranoftë agjërimin të gjithë atyre që agjërojnë këtë muaj të bekuar të Ramazanit”, thuhet në njoftimin e FC Ferizaj.