Manchester City dhe Real Madrid dhuruan spektakël me 7 gola dje në Champions League. 4-3 fituan Qytetarët e Guardiolës, ndërsa rekordi ishte nga ana tjetër e fushës.
Bëhet fjalë për Karim Benzema, sulmuesin francez të Galaktikëve që shënoi dy gola për madrilenët. Me këtë dopietë, Benzema shkon në 14 gola sezonalë në këtë turne, 1 më shumë se Lewandowski.
Rekord personal për kapitenin e Real, që më herët nuk kishte shënuar më shumë e 7 gola në një edicion të Champions. Pasi kaloi kuotën e 40 golave në një sezon me Real, tanimë francezi 34 vjeçar shënon emrin mes më të mirëve edhe në Champions.