18-vjeçari Ermir Rashica, karrierën mund ta vazhdojë në Austri ose në Itali.
Për sulmuesin e Trepçës ’89, kanë shprehur interesim Rapidi i Vjenës dhe një klube në Serie B.
Lajmin e ka konfirmuar për KOHËN, kryetari i Trepçës ’89, Abedin Zeka.
Ai ka shtuar se edhe për një lojtar tjetër ka interesim nga Anderlechit, por emrin e tij nuk e zbuloi.
“Ka shumë interesime për Ermir Rashicën. Është 18-vjeçar dhe luan në pozitën e sulmuesit të krahut. Është te 89-shi që tri vjet. Ka ardhur nga ‘El Clasico’. Për të ka shfaqur interesim Rapid Vjena dhe një klub nga Serie B. Shumë shpejt do të vendosim për të. Kemi pak telashe me prindërit, por besoj që do të sqarohen gjërat. Ai luan edhe te Kosova U19. Po ashtu edhe për një lojtar tjetër kam ofertën nga Anderlechti”, u shpreh Zeka.
Rashica është pjesë e Kosovës U19.