Zekerija Ramadani ka folur për zërat që e largojnë nga skuadra e Egnatias. Trajneri i njohur i rrogozhinave, i ftuar në emisionin “Rubrika Sportive” tregoi se nuk ka asgjë të vërtetë.
Përkundrazi është i përqëndruar për të arritur objektivin me ekipin e Egnatias. Në panelin e emisionit në fjalë, Ramadani u shpreh:
“Nuk e dija aspak që kishin larguar Ismet Munishin. Kur u zgjova në mëngjes, pashë telefonin që kishin telefonuar shumë gazetarë. Pra, asnjë drejtues i Gjilanit. Dua të them që nuk ka asgjë të vërtetë.
Jam i fokusuar te Egnatia. Nëse dalim me 3 pikë kundër Kastriotit, besoj se do t’u prishim punë shumë ekipeve. Do t’i marrim ndeshjet një nga një. Besoj se do të bëjmë gjëra të mira”, përfundoi ai.