21 vjeçari i Prishtinës, Qëndrim Zyba është një nga emrat e përfolur si dëshirë e Tiranës në Superligë. Fantazisti ka bërë paraqitje të mira dhe është ndër dëshirat e 25 herë kampionëve të Shqipërisë sipas “Kanali 10”.
Media në Kosovë bën me dije se djaloshi do ndiqet nga pranë, me përfaqësues të Tiranës që do jenë në fundjavë në ndeshjen mes Gjilanit dhe Prishtinës. Veç klubit bardheblu, edhe Drita dhe Ballkani kanë shfaqur interes për të.
I dalë nga moshat e Prishtinës, Zyba është pjesë e U-21 të Kosovës ku ka luajtur edhe 4 ndeshje, veç aktivizimit në Superligë. Marrëdhëniet e mira mes klubeve mund të bëjnë që talenti i bardhekaltërve të jetë i radhës që vesh fanellën e Tiranës.