Barcelona e ka planin B nëse dështon Lewandowski.Barcelona ka identifikuar sulmuesin e Juventusit, Alvaro Moratan, si një plan rezervë nëse ata dështojnë të transferojnë Robert Lewandowski, sipas raportimeve në Spanjë.
Skuadra katalanase ishte shumë e lidhur me një lëvizje për Moratan në janar, por në vend të kësaj nënshkroi Pierre-Emerick Aubameyang të Arsenalit.
Thashetheme të ndryshme në Gjermani thonë se Lewandowski mund të largohet nga Bayern Munich për t’u bashkuar me Barcelonën, por çdo lëvizje për sulmuesin polak do të ishte e kushtueshme, pavarësisht se i ka mbetur vetëm një vit për të përfunduar kontratën e tij.
AS raporton se trajneri i Barçës, Xavi ka mbajtur kontakte me Moratan që nga janari dhe e sheh ish-sulmuesin e Real Madridit si një perspektivë më realiste.
Çdo marrëveshje për Moratan do të ishte e komplikuar pasi marrëveshja e huazimit të sulmuesit spanjoll në Juve nga Atletico Madrid përfundon në verë dhe ai do të kthehet në kryeqytetin spanjoll.
Kjo do të thotë se Barcelona do të duhet të merret me rivalët e LaLiga-s, Atletico për nënshkrimin e tij.
Për më tepër, Morata u shfaq në prezantimin e fanellave 2022-23 të Juves të premten, duke sugjeruar se ai ka të ngjarë të jetë atje sezonin e ardhshëm.