Klubi zviceran, BSC Young Boys ka konfirmuar zyrtarisht nënshkrimin me lojtarin e Përfaqësueses së Kosovës, Donat Rrudhani.Reprezentuesi i Kosovës ka bërë një hap të madh në karrierë, duke ardhur nga Liga e Parë dhe duke nënshkruar me klubin e madh nga Superliga e Zvicrës.
“BSC Young Boys ka kënaqësinë të njoftojë një lëvizje tjetër. Mesfushori Donat Rrudhani po kalon nga FC Aarau në YB, 23-vjeçari ka nënshkruar kontratë katërvjeçare deri në verën e vitit 2026”.“Donat Rrudhani vjen nga Kosova, për kombëtaren e së cilës bëri dy paraqitje në verën e vitit 2021”, thuhet në njoftimin e klubit zviceran.
Ndryshe, Rudhani si i ri ai luajti në Francë në Langres, Troyes dhe në Brunstatt në Alsace.Në verën e vitit 2017, Rrudhani iu bashkua FC Timau Basel (liga e dytë ndër-rajonale), një vit më vonë ai iu bashkua Black Stars Basel, ku paraqitjet e tij luajtën një rol kyç në ngjitjen në Ligën e Promovimit – ai shënoi 15 gola në 25 ndeshje”.
Në gusht të 2019, Rrudhani u nënshkrua nga FC Aarau. Në tre sezonet e fundit ai luajti 105 ndeshje konkurruese për Aarau, duke shënuar 21 gola dhe duke dhënë 26 asistime.Pavarësisht moshës së tij të re, ai ishte një nga drejtuesit e ekipit në Aarau dhe Rrudhani e mbajti shiritin e kapitenit sezonin e kaluar.
Në sezonin e fundit, Rrudhani shënoi 9 gola dhe dhuroi 12 asistime në Challangle League të Zvicrës.