Ekipi slloven, Mura ka arritur të shnëojë fitore dhe të avancojë tutje në raundin e dytë kualifikues.
Ata mposhtën ekipin nga Moldavia, Sf. Gheorghe 2:1 sonte, kurse me rezultatin e njëjtë kishin fituar edhe në ndeshjen e parë në Moldavi.
Mirlind Daku realizoi golin e fitores sonte për sllovenët, duke ia shuar totalisht gjasat për kualifikim tutje moldavëve.
Ai gjithashtu asistoi në golin e parë të vendasve, shkruan Gazeta Express.
E ndërkohë, ka reaguar edhe vet Daku përmes një postimi në profilin e tij në Facebook.
“Faleminderit për vizën, pushim të këndshëm”, shkroi ndër tjera ish-sulmuesi i Ballkanit.
Kujtojmë se moldavezët nuk e kishin lejuar udhëtimin e Dakut në sfidën e parë me synime se Moldavia nuk e njeh Kosovën dhe nuk e pajisën me vizë yllin kosovar.