Mallorca do ta zhvillojë një ndeshje mjaft të rëndësishme këtë fundjavë.
Ekipi ishullor do ta vizitojë Barcelonën, në sfidën e radhës që e ka peshën e mbijetesës.
Por, fatkeqësisht, Mallorca në këtë duel nuk do të mundë të llogarisë në “Piratin” e saj, Vedat Muriqi, shkruan “Gazeta Express”.
Sulmuesi kosovar ishte titullar në katër ndeshjet e fundit (ndaj Getafes, Atletico Madridit, Elches e Alavasit), por në “Camp Nou’ trajneri Javier Aguirre s’do ta ketë në dispozicion atë.
Kjo për faktin se futbollisti në pronësi të Lazios i ka marrë kartonë të verdhë që prej arritjes së tij në La Liga në muajin janar në formë huazimi.
Mungesa e Muriqit pa dyshim se do të jetë një hendikep i madh për Mallorcan në ndeshjen e së dielës pasi ai është golashënuesi më i mirë i ekipit së bashku me Salva Sevilla.
Muriqi i ka realizuar katër gola deri tash me ekipin spanjoll, ndërsa e ka edhe një asistim, shkruan “Gazeta Express”.
Ai synon ta ndihmojë Mallorcan që ta sigurojë mbetej në La Liga.
Klubi spanjoll ka vendosur të mos e blejë kartonin e Muriqit, por që gjërat mund të ndryshojnë deri në fund të sezonit.