Llapi dhe Dukagjini kanë aranzhuar një ndeshje miqësore në kuadër të përgatitjeve para fillimit të edicionit të ri në Superligën e Kosovës në futboll.
Ndeshja kontrolluese do të zhvillohet të shtunën me fillim nga ora 19:00 nën ndriçimin e reflektorëve në stadiumin “Zahir Pajaziti”, shkruan FrontOnline.
Lajmin e ka bërë të ditur faqja zyrtare e klubit llapjan në rrjetet sociale.
“Ndeshja e parë kontrolluese përgatitore për edicionin e ri të Superligës do të zhvillohet të shtunën nga ora 19:00, nën ndriçimin e reflektorëve të Stadiumit “Zahir Pajaziti” ndaj skuadrës së Dukagjinit”, thuhet në njoftim.
Kjo do të jetë ndeshja e parë miqësore për dy skuadrat që bëjnë gara në elitën e futbollit kosovar.