Trajneri i skuadrës së Buduçnostit të Podgoricës, Aleksandar Nedoviç ka pranuar se skuadra e tij në disa momente ka rënë nën presionin e tifozëve në stadiumin “Fadil Vokrri”, por sipas tij ata ia kanë arritur ta qetësojnë atmosferën.
Llapi-Buduçnosti përfundoi me barazimi 2-2 mbrëmë, meqë rast skuadra malazeze arriti kalimin tutje në fazën e dytë për shkak se kishin fituar ndeshjen e parë me epërsinë prej dy golave, raporton Paparaci.
Stadiumi “Fadil Vokrri” ishte i mbushur pothuajse plotë, teksa nuk mungoi atmosfera fantastike, për të cilën disa fjalë ka edhe trajneri i ekipit mysafirë, Aleksandar Nedoviç.
Nedoviq u shpreh i kënaqur me rezultatin dhe paraqitjen e skuadrës së tij.
“Gjëja më e rëndësishme është që e kaluam këtë xhiro në një mjedis të vështirë. Skuadra e re e jona iu nënshtrua atmosferës së krijuar në stadium në momente të caktuara, por ata kishin zemër dhe luftuan. Mendoj se bëmë një ndeshje të mirë, shënuam dy gola, goditën traversën, dhe disa kundërsulme që mund t’i kishim përfunduar më mirë e ta qetësonim të gjithë stadiumin”, tha Nedoviq.
Llapi është eliminuar nga Liga e Konferencës, ndërsa nga ekipet kosovare në raundin e dytë ka kaluar Drita dhe Ballkani.