Kapiteni i skuadrës së Royal Antwerp, Toby Alderweireld do ta ketë gjatë në kujtimet e tij ndeshjen në stadiumin legjendar Fadil Vokrri, kundër skuadrës së Dritës.
Belgu 33 vjeçar i cili ka një përvojë të madhe në futbollin evropian, me skuadra të ndryshme dhe me Kombëtaren e Belgjikës, të enjten mbrëma ka arritur ndeshjen e tij të 500-të për klube, shkruan Gazeta OLLE.
Fitues i nëntë trofeve në karrierë, duke luajtur për skuadrat më të mëdha evropiane si Ajax, Atletico Madrid dhe Tottenham Hotspur, u transferua në Superligën e Belgjikës këtë vit, te skuadra e Royal Antwerp, madje duke debutuar me Dritën në Ligën e Konferencës në shtëpi.