Sipas raportimeve të “Ok Diario”, Vedat Muriqi ka shprehur interesim për të vazhduar qëndrimin e tij te Mallorca dhe pas lirimit të çmimit nga Lazio, thuhet se është arritur marrëveshja mes palëve.
Muriqi ka arritur marrëveshje me klubin spanjoll për katër vitet e ardhshme, raporton “Ok Diario”, tansmeton Paparaci.
Nëse Muriqi do të blihej me 10 milionë euro për Mallorca, do të ishte operacioni më i shtrenjtë në historinë e klubit, duke kaluar shumë më tepër se 6 milionët e paguara në verën e 2001 Real Madridit për 50% të kartonit të Samuel Etos.
Reprezentuesi kosovar ishte transferuar në formë huazimi me të drejtë blerje nga Lazio gjatë janarit, ndërsa pas performancës së mirë klubi spanjoll ka vendosur ta mbajë 27-vjeçarin.