Eniss Shabani ka nënshkruar kontratën e tij të parë profesionale me skuadrën e Mainzit.
Mesfushori 18-vjeçar vlerësohet talent shumë i madh nga skuadra, ndërsa pjesë e skuadrës gjermane është prej janarit të vitit 2015.
Kontrata e tij tani skadon në vitin 2025.
“Shabani është top-talenti i pestë që nënshkruan kontratë profesionale me skuadrën këtë sezon. Së fundmi, ai mori thirrje edhe nga Gjermania U19, për herë të parë”, ka shkruar klubi të premten.
“Shabani mund ta ketë shansin që të trokasë në derën e Bundesligas. Ekipit të parë iu bashkua në stërvitje në pjesën e dytë të sezonit dhe tashmë ka zhvilluar shumë ndeshje për grupmoshën U23. Enissi tani e ka mundësinë ta bëj hapin e radhës me ne”, ka thënë drejtori sportiv i Mainzit, Martin Schmidt, për sajtin zyrtar.