Ballkani ka mbyllur aventurën në kualifikimet e Ligës së Kampionëve. Ekipi suharekas u mposht 1:0 pas vazhdimeve, duke u eliminuar në raundin e parë kualifikues.
Ndeshja e parë e zhvilluar në Prishtinë, në stadiumin “Fadil Vokrri” u mbyll po ashtu barabartë me rezultatin 1:1.
Por, rrugëtimi i Ballkanit nuk përfundon këtu. Kampioni i Kosovës tani garon në raundin e dytë kualifikues në Conference League.
Aty ai do të takohet me kampionin e San Marinos, La Fioritan, shkruan Gazeta Express.
Si kampion i San Marinos, La Fiorita u kualifikua në raundin preliminar të Ligës së Kampionëve, por u eliminua në ndeshjen e parë nga Inter Club d’Escaldes.
Rrjedhimisht, ekipi nga San Marino ra në raundin e dytë kualifikues të garës së tretë më të madhe evropiane, Conference League.