UEFA Calculator ka përditësuar koeficientin e klubeve për tri garat evropiane, Liga e Kampionëve, Liga e Evropës dhe Liga e Konferenceës.
Në këtë listë të përditësuar gjenden edhe ekipet nga Kosova dhe Shqipëria.
Për klubet nga Kosova, Prishtina është vlerësuar si klubi më i mirë për paraqitje në garat evropiane, derisa Llapi për paraqitje të dobët.
Ndërkohë në Shqipëri, Laçi është vlerësuar më së miri, teksa me paraqitje të dobët Teuta.
Kurse, sa i përket renditjes, Superliga e Kosovës ka ngritje, pasi tani gjendet në vendin e 36-të, me Shqipërinë që ka rënie, në vendin e 43-të.
Në vitin e kaluar, në garat evropiane, kampioni aktual, Prishtina arriti deri në rrethin e tretë të kualifikimeve të Ligës së Konferencës, derisa Llapi u eliminua në rrethin e parë të kualifikimeve ndaj Shkupit të Maqedonisë së Veriut.