Një tjetër stadium modern do i shtohet Shqipërisë shumë shpejt.Fieri do ketë fatin e një impianti të ri futbolli. Është drejtuesi politik i Qarkut Fier për Partinë Socialiste, Taulant Balla, që ka njoftuar se kanë hyrë në fazën e parë të identifikimit të pozicionit, ku do ndërtohet stadiumi.
Stadiumi “Loni Papuçiu” do mbetet, ndërsa “Apollonia Arena” do jetë vlera e re e qytetit. Projekti është prezantuar dhe do jetë në nivelin e stadiumeve të fundit të ndërtuar në Shqipëri.
“Fier, Apollonia meriton një stadium të ri futbolli për t’i rikthyer këtij emri të madh të futbollit shqiptar shkëlqimin që i takon.
Jemi në fazën e identifikimit të një pozicioni të ri në qytetin e Fierit të “Apollonia Arena” dhe shpresoj se do të ecim shpejt në konkretizimin e këtij projekti”, shkruan Taulant Balla në rrjetet sociale.
Mësohet se “Apollonia Arena” do të jetë një bashkëpunim në financim mes FSHF-së dhe qeverisë. Ky do jetë një stadium me kushtet më optimale dhe që do t’i shërbejë edhe Kombëtares.
Projekti duket super i bukur por urojmë të mos mbetet në letër, ose në realizohet të jetë njësoj si ky në foto sepse ndodh shpesh që stadiumet tona janë shumë të bukura në projekte, kur mbarojnë nuk janë dhe aq të bukur në realitet.
