Kanë përfunduar dy ndeshjet e Superligës së Kosovës të zhvilluara sot në kuadër të javës së 33’të, ku u takuan Drenica-Llapi dhe Ballkani-Malisheva, transmeton Gazeta Metro.
Pa ndonjë interesim të madh për lojën e sotme skuadra e Ballkanit e cila është edhe matematikisht kampion këtë edicion në elitën e futbollit kosovar humbi me rezultat 2-3 në shtëpi ndaj Malishevës.
Malishevasit kaluan në avantazh prej dy golave në pjesën e parë me anë të Ronald Sobowale dhe Hasan Hysenit, kurse në pjesën e dytë ngushtoi epërsinë për suharekasit Albion Rrahmani, por vetëm pas dy minutave sulmuesi, Xhevdet Shabani realizoi për golin e tretë për mysafirët.
Për të ngushtuar epërsinë e mysafirëve u përkujdes sulmuesi, Ermal Krasniqi i cili shënoi në minutën e 93’të për vendasit.
Në ndeshjen tjetër mes Drenicës dhe Llapit e cila u zhvillua në Skenderaj vendasit triumfuan me rezultat 1-0 me golin e shënuar nga Besfort Dervishaj në minutën e 78’të.
