Superliga e Kosovës do të vazhdoj me dy ndeshje interesante të dielën.
Prishtina në stadiumin “Fadil Vokrri” në kryeqytet pret Drenicën në kuadër të xhiros së 30-të, shkruan Fansat e Futbollit Kosovar.
Ky duel që zhvillohet nga ora 14:00, do të jetë i rëndësishëm për dy skuadrat, pasi fitorja për njërën, ose tjetrën, do ta largonte nga zona që dërgon drejt Ligës së Parë.
Kurse, në duelin tjetër takohen Dukagjini e Gjilani, në Klinë.
Vendasit, me fitore do të largoheshin nga zona e kuqe, kurse mysafirët gjilanas me 3 pikë do të ishin në hap me Ballkanin, dhe do të forconin pozitën e dytë në tabelë.
Ky duel fillon nga ora 13:30./FFK