Superliga turke i vuri në fundjavë përballë dy përfaqësuesit kosovarë, Florent Hadërgjonaj dhe Aro Muriç.
Mbrojtësi i djathtë kosovar e pati një ditë më plot ndodhi.
Futbollisti i Kasimpasas në pjesën e parë u ndëshkua me karton të verdhë dhe më pas asistoi për njërin nga golat e ekipit vendës, shkruan “Gazeta Express”.
Por, në pjesën e dytë ishte fytyrë tragjike pasi e humbi penalltinë, të cilën më saktësisht ia priti portieri Muriç.
Sidoqoftë, Hadërgjonaj festoi në fund pasi skuadra e tij fitoi me rezultat të thellë, 4:0 ndaj Adana Demirsporit të Aro Muriçit.
E pas lojës, ish-përfaqësuesi zviceran e bëri një postim në rrjetet sociale, ku shihet duke festuar me një shok të skuadrës.
Hadërgjonaj luajti gjatë tërë ndeshjes, njëjtë si portieri Muriç.
Tek mysafirët me karton të kuq u ndëshkua sulmuesi problematik italian, Mario Balotelli.
Kasimpasa është i 11-ti në tabelë me 44 pikë, kurse Adana Demirspor i pesti me 52 pikë.