Kosova do të përballet me Greqinë në ndeshjen e fundit të qershorit të Ligës së Kombeve.
Kombëtarja e Kosovës do të synojë të ‘hakmerret’ ndaj Greqisë pas humbjes në shtëpi në stadiumin “Fadil Vokrri” me rezultat 0-1.
Gazetari grek, Johnny Georgopoulos, ka thënë për GazetaBlic Sport se ky takim do të jetë derbi si gjithnjë pavarësisht se Greqia ende nuk ka humbur ndaj Kosovës.
“Greqia asnjëherë nuk ka humbur ndaj Kosovës, megjithatë të gjitha ndeshjet mes dy kombëtareve kanë qenë derbi. Bakasetas është kreu i kombëtares greke dhe ai është në top formë. Trajneri i ri Poyet i jep rëndësi mbrojtjes. Synimi i parë është Greqia të ketë portën e paprekur. Alain Giresse deri më tani ka bërë një punë të madhe në Kosovë. Fitorja ndaj Irlandës së Veriut tregoi potencialin e skuadrës”, tha fillimisht ai.
Georgopoulos ka parashikuar fitoren minimale ndaj Greqisë kjo sipas tij për faktin e formës aktuale të grekëve.
“Parashikoj një fitore të vështirë për Greqinë për shkak të formës së kombëtares. 1-0 ose 2-1”, përfundoi Georgopoulos.