Klubi i futbollit, Drita ishte përballur me Feynoordin, në vitin e kaluar në kuadër të rrethit të tretë të Conference League.
Klubi holandez kishte hasur në vështirësi për të eliminuar skuadrën kosovare, edhe pse në letër dukeshin favoritë.
Përballja e parë ishte zhvilluar në stadiumin “Fadil Vokrri”, ballafaqim, i cili përfundoi pa gola, pavarësisht se Drita kishte mundësi madje edhe të fitonte.
Derisa takimi i dytë në Roterdam, ishte një ndeshje komplet ndryshe me pesë gola të shënuar.
Drita ishte shumë afër që të bënte histori, pasi skuadra holandeze tek në minutat e fundit kaloi në epërsi, madje ekipi nga Gjilani humbi disa mundësi ideale që të barazonte rezultatin, pak sekonda para se të përfundonte takimi.
I njëjti ekip që hasi në probleme për të mposhtur skuadrën gjilanase, ka kaluar në gjysmëfinale të Conference League.
Skuadrat kosovare në vitet e fundit janë forcuar shumë, madje edhe duke rritur kualitetin dhe cilësinë në ekip.