Dukagjini vazhdon të mbetet skuadër e rrezikuar për të luajtur në barazhin e Superligës përmes të cilës duhet ta kërkojë mbijetesën në shoqërinë elite.
Megjithatë, skuadra nga Klina tashmë mund të cilësohet si më në formë në Superligë, shkruan Demokracia.com.
Ekipi i Armend Dallku në finish të kampionatit sikur ka ndezur motorët pasi në pesë ndeshjet e fundit ka pesë fitore, dhe me të drejtë është skuadra më e favorizuar përballë Drenicës e Malishevës për t’i ikur barazhit.
Fitorja e fundit e Dukagjinit ishte ajo ndaj Ulpianës me rezultat 2:1, derisa par kësaj ndeshjeje klinasit kishin mposhtur Prishtinë (0:1), Feronikelin (4:0), Gjilanin (2:0) dhe Drenicën (0:1).
Ndeshjen e radhës Dukagjini e luan ndaj Dritës si mysafirë dhe nëse aty merr pikë, atëherë pothuaj ekzistenca do të jetë e sigurt.
