40 me 0: një rezultat jo vetëm i bujshëm dhe poshtërues, por edhe i dyshimtë. Bëhet fjalë për një lojë të kampionatit të të rinjëve në Sardenjë, mes Fanum Orosei dhe La Caletta.
Deri në 40 gola në 70 minuta (koha e ndeshjes zgjat 35 minuta) mbetet një rekord mjaft i vështirë për t’u arritur, edhe nëse luan pa kundërshtarë.
Fanum Orosei-t i nevojiteshin 35 gola për të zënë vendin e parë në renditje dhe për t’u shkëputur nga Lupi del Goceano.
Ndeshja në fjalë është kthyer në rast, aq sa presidenti i FIGC-së në zonën rajonale, Gianni Cadoni, duket i gatshëm të përfshijë Prokurorin Federal për të nisur një hetim dhe për të konstatuar se si kanë shkuar gjërat.
La Caletta në fakt kishte futur në fushë vetëm dhjetë lojtarë. Këto zgjedhje në teori nuk bien ndesh me rregulloren, pasi kufiri i lojtarëve për të dalë në fushë është shtatë.
“Ajo që ndodhi është shumë e rëndë – komenton Cadoni – sepse bie ndesh me normalitetin e futbollit. Sporti në këtë nivel duhet të shkojë përtej rezultatit, duhet jetuar në mënyrë lozonjare, me respekt, argëtim dhe kulturë në radhë të parë. Tashmë para disa javësh në kampionatin rajonal të femrave ishte 21-0. Gjithashtu në atë rast isha shumë i mërzitur. Për këtë histori duhet sqarim…”.