Pas tre vjetësh te Drita e Gjilanit, Ardian Cuculi do të ndryshojë ambient në këtë afat kalimtar veror, raproton FrontOnline.
Mbrojtësi shqiptar nuk do të jetë pjesë e Dritës nga edicioni i ardhshëm.
Burime të FrontOnline mësojnë ekskluzivisht se 34-vjeçari do të largohet sivjet nga klubi gjilanas.
Portali bën me dije se palët nuk janë dakorduar për ta zgjatur bashkëpunimin.
Cuculi ishte transferuar te Drita në verën e vitit 2019 nga Kukësi.
Që nga atëherë, ai ishte ndër futbollistët kyç të skuadrës së Ardian Nuhiut.
Para Dritës dhe Kukësit, Cuculi është paraqitur te Shkëndija, Partizani, Milano Kumanova, Pobeda dhe Napredok Kicevo.
Mbetet të shihet se ku do ta vazhdojë karrierën 34-vjeçari pas largimit nga Drita.