Ballkani ka pësuar humbje sot ndaj Malishevës në ndeshjen e parë pas shpalljes kampion i Superligës së Kosovës.Skuadra e Malishevës ka fituar në udhëtim me rezultat 2-3, shkruan GazetaBlic Sport.
Pas ndeshjes, Arsim Thaqi, trajneri i Malishevës u shpreh shumë i lumtur që skuadra e tij fitoi këtë ndeshje.
“Për ne ka qenë finale në veti, i përgezoj lojtarët e mi për angazhimin dhe disiplinën taktike ndaj Ballkanit”, tha Thaqi për Art Sport.
Ai më pas foli edhe për ndeshjet e mbetura, ku tha se nëse luajnë si sot – nuk ka dyshime se fitojnë dhe mbesin në Superligë.
“Për ne është me rëndësi të mos gabojmë kundër një kundershtari direkt, nëse luajmë si sot nuk kam dilema në fitore, pastaj në ndeshje fundit të fitojmë ndaj Dukagjinit dhe të qëndrojmë në Superligën e Kosovës”, përfundoi ai.