Futbollisti i Vllaznisë së Pozheranit, Alban Rexhepi gjatë ndeshjes së sotme ndaj Flamurtarit ka pësuar sulm zemër.
Lajmi është bërë i ditur nga klubi pozhiranas, shkruan Fansat e Futbollit Kosovar.
E në orët e vona Agim Ademi e ka vizituar lojtarin në spital.
Më poshtë postimi i tij:
Në orët e mbrëmjes isha për vizitë në QKUK tek futbollisti i KF Vllaznia nga Pozherani, Alban Rexhepi.
Ai në ndeshjen e sotme në Ligën e Parë, Vllaznia – Flamurtari, shfaqi disa shenja shqetësimi në shëndet gjatë pjesës së dytë, derisa pas ekzaminimeve mjekësore u konstatua se kishte arrest kardiak dhe si rrjedhojë ishte e domosdoshme t’i vendoset një stentë.
Fatmirësisht Albani tashmë është në gjendje të mirë, falë intervenimit të shpejtë të stafit mjekësor të QKUK-së.
E urova për ta tejkaluar sa më parë këtë gjendje si dhe ia shpreha gatishmërinë për ndihmë në rast nevoje në të gjitha format.
Urojmë që ai sa më parë të rikthehet pranë familjes, por edhe klubit dhe futbollit.
Shërim të shpejtë Alban!
Të presim më të fortë!