Tahir Batatina ka arritur që për herë të parë në histori të futbollit të Kosovës të fitojë dy herë rresht Kupën e Kosovës.
Të enjtën Llapi e mposhti Dritën nga Gjilani.
Llapjanët triumfuan në stadiumin “Fadil Vokrri” me rezultat 1:2.
E një nga më meritorët për suksesin e ekipit nga Podujeva padyshim që është Batatina.
Ai e “rrëmbeu” këtë trofe edhe vitin e kaluar kur në finale e mposhti Dukagjinin e Klinës, pas ekzekutimit të penalltive.
Pas triumfit në herën e parë trajneri llapjan e kishte nisur një turne për kupën duke e marrë me vete ngado që shkonte, në familje, stadium apo edhe në xhami.
Mbetet të shihet nëse do të veprojë sivjet në të njëjtën mënyrë.
Tahir Batatina, në një intervistë për Klan Kosova të zhvilluar vitin e kaluar, pati treguar më shumë për punën e tij dhe çelësin se suksesit.
Po ashtu, ai kishte folur edhe rreth deklaratës së tij për “Llapin Evropian”.