Sekretari amerikan i Shtetit, Antony Blinken bëri një turne me helikopter të dielën në një nga provincat më të prekura nga tërmeti i 6 shkurtit në Turqinë jugore dhe Sirinë veriore dhe premtoi 100 milionë dollarë të tjera ndihmë për rajonin.
“Kjo do të jetë një përpjekje afatgjate”, tha Blinken në bazën ajrore Incirlik, një strukturë e përbashkët amerikano-turke që ka koordinuar shpërndarjen e ndihmave gjatë fatkeqësive.
“Kërkimi dhe shpëtimi, për fat të keq, po i vjen fundi. Rimëkëmbja është në vazhdim dhe më pas do të ketë një operacion masiv rindërtimi”, deklaroi ai.
Deeply moved to hear the tragic stories of Turkish military families affected by the earthquakes, and inspired by their resilience and strength. I am proud to count #Türkiye as a @NATO Ally, and they can count on us to continue assisting with relief and recovery efforts. pic.twitter.com/poWqdCSYCP
Presidenti amerikan, Joe Biden njoftoi se ka ndarë 85 milionë dollarë për Turqinë dhe Sirinë disa ditë pas tërmetit që ka vrarë më shumë se 45 mijë njerëz në të dyja vendet.
SHBA ka dërguar gjithashtu një ekip kërkimi dhe shpëtimi, pajisje mjekësore dhe pajisje të tjera.
Blinken gjatë ditës së nesërme pritet të takohet edhe me presidentin turk, Recep Tayyip Erdogan. Ata pritet të diskutojnë edhe për anëtarësimin e Suedisë dhe Finlandës në NATO, ku deri më tani shteti turk po e kundërshton me veto. /Telegrafi/
