Merr fund moti me shi, nga sot kështu do të jetë moti

0
55

Instituti Hidrometeorologjik i Kosovës (IHMK), ka bërë të ditur se që nga dita e sotme në vendin tonë do të mbajë mot me diell.

Instituti Hidrometeorologjik i Kosovës (IHMK), ka bërë të ditur se, pas gjithë këtyre reshjeve të cilat kanë përfshirë pjesën dërmuese të vendit, situata meteorologjike vije drejtë stabilizimit.

Kjo si pasojë e depërtimit të masave ajrore me presion të lartë mbi vendin tonë, të cilat do të mbesin të qëndrueshme deri në fundjavë.

Sipas IHMK-së, paraqitja e temperaturave të ulëta me vlera negative kaloi.

Edhe pse reshjet e shiut të cilat vende-vende u shoqëruan me breshnizë, nuk kanë ndikuar dukshëm në dëmtimin e sektorit të pemëtarisë.

“Ndonëse në viset malore ishin regjistruar temperatura rreth zeros, por intervali kohor i atyre temperaturave ishte i shkurt, gjë që nuk kanë krijuar dëme në pemëtari”, thuhet në njoftimin e IHMK-së.

Temperaturat maksimale bashkë me ato minimale dita-ditës do të shënojnë ngritje të lehta.

Minimalet parashihen të lëvizin ndërmjet 3-5 gradë Celsius, ndërsa maksimalet e ditës parashihen të lëvizin ndërmjet 16-19 gradë Celsius.

Në fushat barike do të ketë luhatje, por vlerat e tyre do të jenë për 9-12 milibar mbi normalen.

Cilësia e ajrit do të jetë në kufijtë e vlerave të shëndetshme, kjo si rezultat i aktiviteteve meteorologjike gjatë ditëve të fundit.

Indeksi UV do të jetë i lartë. Do të fryjë erë nga drejtimi i verilindjes dhe jugperëndimit me shpejtësi 1-8m/s.

LEAVE A REPLY

Please enter your comment!
Please enter your name here